គម្រោងនីមួយៗរបស់ខាមប៊ូចាយ៉ា គឺជាសមិទ្ធផលនៃផ្នត់គំនិតគួបផ្សំជាមួយនឹងការសិក្សាលម្អិតគ្រប់ជ្រុងជ្រោយ។ ចំពោះការរចនានិងការសាងសង់លំនៅឋាន យើងបានធ្វើការដកស្រង់ពីវប្បធម៌ និងបរិបទនៃសំណង់ជាតិ។ យើងក៏បានសិក្សាស្រាវជ្រាវទៅលើស្ថាបត្យកម្មនាពេលបច្ចុប្បន្ន ដើម្បីស្វែងយល់ពីអ្វីដែលធ្លាប់ធ្វើ អ្វីដែលធ្លាប់ឬមិនធ្លាប់បានពិចារណា ក៏ដូចជាអ្វីដែលត្រូវគិតគូរបន្ថែមក្នុងវិស័យស្ថាបត្យកម្មសំណង់ផងដែរ។
គោលបំណងសំខាន់របស់យើងគឺផ្តល់ជីវភាពរស់នៅដែលប្រកបដោយសេចក្តីសុខដុមរមនាជូនដល់អ្នកដែលរស់នៅក្នុងគេហដ្ឋានខាមប៊ូចាយ៉ាគ្រប់រូប ដោយយើងទទួលស្គាល់ថា ទិដ្ឋភាពនៃទីឋានល្អប្រណីតមានឥទ្ធិពលទៅលើសុខភាពទាំងផ្លូវកាយ និងផ្លូវចិត្ត ក៏ដូចជាសតិអារម្មណ៍ផងដែរ។ ចំពោះយើង ការកសាងលំនៅឋានមិនត្រឹមតែជាលេខឬចំនួនតាមដងផ្លូវនោះទេ ប៉ុន្តែជាទីជម្រកដែលអាចរស់នៅបានយ៉ាងសុខសាន្ដ។ ការសិក្សានិងចំណេះដឹងទាំងនេះបានក្លាយជាទស្សនៈទាននៃការរចនាដែលយើងនឹងប្រើប្រាស់ទៅលើគ្រប់គម្រោងទាំងអស់របស់ខាមប៊ូចាយ៉ា។
ដោយមានការរួមសហការជាមួយនឹងស្ថាបត្យករដ៏ចំណាន និងមានបទពិសាធន៍ជាច្រើនឆ្នាំ ខាមប៊ូចាយ៉ាព្យាយាមកែប្រែការកំណត់អត្ថន័យនៃការអភិវឌ្ឍន៍អចនទ្រព្យសម្រាប់ជីវភាពរស់នៅបែបទំនើបនិងស៊ីវីល័យដោយមានការគិតគូរហ្មត់ចត់ និងនវានុវត្តន៍ថ្មីក្នុងការរចនា។
វិស្វករនិងអ្នករចនាម៉ូតដ៏មានភាពប៉ិនប្រសប់របស់យើង មិនត្រឹមតែបានធ្វើការប្ដេជ្ញាដើម្បីរចនាគេហដ្ឋានដែលផ្ដល់ទីធ្លារដែលមានសោភ័ណភាពប៉ុណ្ណោះទេ ពួកគាត់ក៏មានទំនុកចិត្តក្នុងការធ្វើឲ្យគុណភាពនៃការរស់នៅមានលក្ខណៈកាន់តែល្អប្រសើរសម្រាប់ប្រជាជនកម្ពុជាដែលមានជីវភាពកម្រិតមធ្យមផងដែរ។
ទស្សនៈទានរបស់យើងរក្សានៅដដែល ស្របពេលដែលយើងខិតខំបង្កើតបរិស្ថានរស់នៅដែលមានភាពល្អឥតខ្ចោះសម្រាប់ទីផ្សារអចលនទ្រព្យក្នុងប្រទេសកម្ពុជា។ ដោយហេតុនេះ យើងមានការជឿជាក់លើភាពហ្មត់ចត់របស់យើងទៅលើរាល់ចំណុចលម្អិតទាំងអស់, សមត្ថភាពដោះស្រាយបញ្ហាដោយប្រើវីធីសាស្ត្រច្រើនប្រភេទ និងភាពសកម្មក្នុងការអនុវត្តន៍សកម្មភាពដែលចាំបាច់។
វិធីសាស្ត្រដែលកម្រមាននៅក្នុងតំបន់នេះធានាថា យើងអាចគ្រប់គ្រង និងដោះស្រាយបញ្ហាបានគ្រប់ជំពូក។
ការសិក្សាស្រាវជ្រាវគឺជាមូលដ្ឋានគ្រឹះមានឬសចាក់ដោតជ្រៅក្នុងស្មារតី និងផ្នត់គំនិតខាមប៊ូចាយ៉ា។ វិធីសាស្ត្រផ្ដោតលើការស្រាវជ្រាវរបស់យើងបានផ្ដល់នូវឱកាសដ៏ពិសេសដើម្បីកំណត់យកជីវភាពរស់នៅ និងការអភិវឌ្ឍន៍អចលនទ្រព្យក្នុងទិដ្ឋភាពថ្មីមួយ។ រាល់កិច្ចការដែលយើងបានធ្វើ ចាប់ផ្ដើមពីការបង្កើតមាតិការហូតដល់ដំណើរការសាងសង់ ត្រូវបានសិក្សានិងគ្រប់គ្រងយ៉ាងហ្មត់ចត់ដោយផ្អែកលើស្ថានភាពជាក់ស្ដែង ព្រមទាំងធានាបាននូវសុពលភាពលើរាល់ការវិភាគវែកញែកទាំងអស់។
ចាប់តាំងពីដំបូងមក គោលបំណងរបស់យើងគឺបង្កើតសហគមន៍មួយដែលផ្អែកលើចំណេះដឹង និងមានភាពរួមបញ្ចូលគ្នាតាមគោលការណ៍នៃវេទិការសង្គមដែលយើងបានរៀបចំឡើងយ៉ាងយកចិត្តទុកដាក់។ វិធីសាស្ដ្រនៃការទំនាក់ទំនងជាមួយអតិថិជនប្រៀបបានទៅនឹងការនិទានរឿង ដែលនឹងបង្ហាញពីការវិវត្ត៍របស់យើង។
យើងជឿជាក់ថា ការផ្ដល់អាទិភាពដល់អតិថិជនជាមួយនឹងភាពជាក់ស្ដែង អាចផ្ដល់នូវភាពងាយស្រួល និងព័ត៌មានលម្អិតនៃដំណើរការសាងសង់, ការរចនា និងដំណើរការទាំងឡាយ។
ទីធ្លាបៃតងទាំងឯកជននិងសាធារណៈ គឺជាផ្នែកនៃហេដ្ឋារចនាសម្ព័ន្ធបៃតងដែលផ្ដល់សារៈសំខាន់ដល់ការអភិវឌ្ឍន៍តំបន់ដែលមានគុណភាពខ្ពស់សម្រាប់ការរស់នៅ, ប្រកបការងារ និងសម្រាកលំហែកាយ។
ខាមប៊ូចាយ៉ាសង្កេតឃើញពីអត្ថប្រយោជន៍នៃការរួមបញ្ចូលរុក្ខជាតិក្នុងដំណាក់កាលនៃការរចនា ដើម្បីធានាក្នុងការបង្កើតបរិស្ថានរស់នៅដែលប្រកបដោយផាសុកភាព និងនិរន្តភាព។
យើងមានបំណងក្លាយជាក្រុមហ៊ុនអភិវឌ្ឍន៍អចលនទ្រព្យឈានមុខគេដែលមានការទទួលស្គាល់ទូទាំងប្រទេស និងជាអ្នកណែនាំបង្ហាញជីវភាពរស់នៅប្លែកពិសេស ដើម្បីជួយដោះស្រាយបញ្ហានៃការកើនឡើងចំនួនគ្រួសារដែលមានជីវភាពកម្រិតមធ្យមក្នុងប្រទេសកម្ពុជា។ គោលបំណងរបស់យើងគឺបង្កើតទីធ្លាដែលមានការរចនាយ៉ាងគិតគូរហ្មត់ចត់ទៅលើគ្រប់គម្រោងទាំងអស់ ក៏ដូចជាសហគមន៍ និងបរិស្ថានជុំវិញ។
ការរស់នៅក្នុងគេហដ្ឋានខាមប៊ូចាយ៉ាគឺប្រៀបបានទៅនឹងការរស់នៅក្នុងទីក្រុងធម្មជាតិដ៏ស្រស់ស្អាត និងមានភាពស្ងប់ស្ងាត់ជាមួយនឹងស្ថាបត្យកម្មសហសម័យដែលមានការរចនាយ៉ាងគិតគូរហ្មត់ចត់។ យើងជឿជាក់ថាលំនៅឋាន គឺជាកន្លែងដែលយើងអាចរស់នៅជាមួយនឹងធម្មជាតិ។ ទោះបីជាផ្ទះសម្រាកលំហែកាយ ឬជាបណ្ដុំនៃផ្ទះល្វែង ឬប្លង់មេបុរីក៏ដោយ រាល់គម្រោងទាំងអស់មានសារៈសំខាន់ចំពោះយើង ដោយយើងយល់ឃើញថាគេហដ្ឋានមិនត្រឹមតែជាលេខឬចំនួននៅតាមដងផ្លូវនោះទេ ប៉ុន្ដែជាទីជម្រកដែលលើសពីការស្នាក់នៅ។
យើងមានបំណងបង្កើតបរិវេនសាធារណៈ ដែលផ្ដល់ភាពស្វាគមន៍យ៉ាងកក់ក្ដៅ និងជាទីកន្លែងដែលផ្ដល់ឱកាសគេចចេញពីទីក្រុងដើម្បីចំនាយពេលវេលាសម្រាប់ខ្លួនឯង ក៏ដូចជាជួបជុំគ្រួសារនិងមិត្តភក្ដិ។ ជាការពិតណាស់ នេះនឹងក្លាយជាបរិវេនដែលត្រូវបានបង្កើតឡើងជាពិសេសដោយមានរួមបញ្ចូលធម្មជាតិខៀវស្រងាត់ក្នុងការរចនា ដែលនឹងផ្ដល់ឱកាស និងជាភាពទាក់ទាញដល់ការសម្រាកលំហែជាមួយសម្រស់ធម្មជាតិ។
ជាកន្លែងដែលអាចផ្ដាច់ខ្លួនចេញពីពិភពខាងក្រៅ និងងាកមកផ្ដោតលើចិត្តគំនិត។ ជាកន្លែងសម្រាប់ធ្វើការឆ្លុះបញ្ចាំង និងសម្រាកបន្ធូរអារម្មណ៍។ យើងមានបំណងបង្កើតបរិស្ថានមួយដែលសក្ដិសមសម្រាប់សុខភាព ក៏ដូចជាសុខុមាលភាព។ ហើយនេះក៏ជាឱកាសដើម្បីបង្កើតសួនធម្មជាតិបៃតងដែលពោរពេញទៅដោយរុក្ខជាតិគ្រប់ប្រភេទរួមមានទាំងរុក្ខជាតិដាំជាប់ដី និងវល្លិ៍រំយោលផងដែរ។ មិនតែប៉ុណ្ណោះយើងក៏មានបំណងបង្កើតបទពិសោធន៍ និងសកម្មភាពផ្នែកកសិកម្មសម្រាប់មនុស្សគ្រប់វ័យគ្រប់ជំនាន់។
ផ្អែកលើចក្ខុវិស័យដែលឆ្ពោះទៅរកការអភិវឌ្ឍន៍ទីក្រុងទំនើបស៊ីវីល័យ យើងបានព្យាយាមផ្ដល់ទីតាំងធំទូលាយ និងដែលជាកន្លែងផ្សាភ្ជាប់ប្រពៃណីវប្បធម៌ទៅនឹងអាជីវកម្ម។ Design-led approach ជាវិធីសាស្ដ្រដែលមានការពិចារណាលើការកំណត់បរិបទអាជីវកម្មផ្ដោតលើមានការពិនិត្យទៅលើគុណសម្បត្តិ និងកត្តារួមចំណែកជាច្រើនផ្សេងទៀត ជាមួយនឹងគំនិតច្នៃប្រតិដ្ឋដើម្បីធានាការរួមបញ្ចូល និងបង្ហាញលក្ខណៈពិសេសនៃសិល្បៈ រចនាបថ ហត្ថកម្ម និងគុណភាព៕
