គេហដ្ឋានខាមប៊ូចាយ៉ា

ផ្ទៃជញ្ជាំងរាងកោងដ៏ប្រណីតនៅផ្ទៃខាងមុខនៃគេហដ្ឋាននីមួយៗ ត្រូវបានរចនាឡើងដើម្បីទទួលបានពន្លឺថ្ងៃរៀបលិច លេចចេញជាស្រមោលប្រដេញលើផ្ទៃជញ្ជាំងកោង។ ចំណែកឯបន្ទប់នៅក្រោយផ្ទៃជញ្ជាំងវិញ ភ្ជាប់ទៅនឹងសួនខាងក្នុងដោយទ្វារកញ្ចក់ រចនាឡើងដើម្បីផ្ដល់ពន្លឺគ្រប់គ្រាន់ និងបង្កើនភាពស្និទ្ធស្នាលជាមួយធម្មជាតិ។ បង្កាន់ដៃតាមយ៉បង្ហាញពីវិធីសាស្ដ្រនៃការរចនាដែលមានមុខងារច្បាស់លាស់ និងអាចប្រើប្រាស់ក្នុងគេហដ្ឋាន។

សួនក្នុងផ្ទះដែលពោរពេញដោយពន្លឺ

លក្ខណៈពិសេសនៃគេហដ្ឋានខាមប៊ូចាយ៉ានីមួយៗ គឺមានសួនច្បារនៅចំកណ្ដាល ដែលផ្ដល់ជាសោភ័ណភាពដ៏ស្រស់ស្អាត ហើយក៏ជាកន្លែងសម្រាប់ជួបជុំគ្រួសារប្រកបដោយផាសុកភាពផងដែរ។

សួនខាងក្នុងត្រូវបានរចនាដោយមានប្រើទ្វារកញ្ចក់ ដើម្បីជួយដល់ការបន្សុទ្ធខ្យល់ក្នុងគេហដ្ឋានទាំងមូល។ ការតុបតែងសួនខាងក្នុងនេះ ក៏មានបំណងដើម្បីផ្ដល់ភាពងាយស្រួលដល់ការរស់នៅជាមួយនឹងធម្មជាតិផងដែរ។ ចំណែកឯជណ្ដើរ និងផ្លូវដើរស្ថិតនៅមួយផ្នែកដែលធ្វើឲ្យលំហ និងសួនខាងក្នុងនៅទទួលបានពន្លឺគ្រប់គ្រាន់ពីដំបូលកញ្ចក់ដដែល។

ការគ្រប់គ្រងចរន្ដខ្យល់ដែលជាចំណុចពិសេសនៃគេហដ្ឋានដែរនោះ ជួយរក្សាខ្យល់ត្រជាក់ក្នុងគេហដ្ឋាន ដោយធ្វើឲ្យចរន្ដខ្យល់មានលំហូរឡើងលើថេរ និងនាំយកខ្យល់ក្ដៅចេញទៅមជ្ឈដ្ឋានខាងក្រៅ។

បន្ទប់គេងធំទូលាយ

បន្ទប់មេគ្រួសារស្ថិតនៅជាន់ទី១ ដែលតំណាងឲ្យតួនាទីសំខាន់របស់មាតាបិតាក្នុងគ្រួសារ។ ទីតាំងនៃបន្ទប់នេះផ្ដល់ភាពងាយស្រួល ដើម្បីចូលទៅកាន់បន្ទប់ទទួលភ្ញៀវនៅជាន់ផ្ទាល់ដី ក៏ដូចជាបន្ទប់គេងផ្សេងៗទៀតនៅជាន់ខាងលើ។ បន្ទប់មេគ្រួសារក៏រួមមានទូសម្លៀកបំពាក់ និងបន្ទប់ទឹកផងដែរ។

បន្ទប់គេងនៅជាន់ទី២ ទទួលបានពន្លឺធម្មជាតិគ្រប់គ្រាន់តាមទ្វាកញ្ចក់ខាងមុខបន្ទប់ និងសួនខាងក្នុង។ បន្ទប់នីមួយៗត្រូវបានភ្ជាប់ដោយយ៉ ដែលជាស្ពាន/ផ្លូវដើរសម្រាប់ទៅកាន់សួនខាងក្រោម។